ՀՀ վարչապետ Նիկոլ Փաշինյանին

Հարգարժան պարոն վարչապետ,
Սիրելի Նիկոլ,

Պատերազմական այս բարդ ու ծանր իրավիճակում սա գուցե մանրուք է, բայց որոշեցի գրել Ձեզ, գրել հրապարակավ:

Չգիտեմ՝ Դուք և քաղաքական որոշումներին մասնակցող Ձեր շրջապատը ինչ է մտածում:

Ես մտածում եմ, որ ժամանակավորապես պետք է հրաժարվել լայվերից:

Երեկվա ու շատ այլ լայվերի կարիքը ուղղակի չկար: Հատկապես՝ երեկվա:

Չեմ էլ ուզում ժամանակ ծախսենք այս թեմայի վրա, քանի որ բոլորս մեր տեղերում անելիք ունենք, քանի որ ադրբեջանա-թուրքա-ահաբեկչական խմբերը թակում են մեր տան դռները:

Մենք պարտվելու իրավունք չունենք, որովհետև մեր պարտությունը նույն ժողովրդի երկրորդ ցեղասպանությունը կնշանակի:

Այս ժողովուրդը միայն արժանի է հաղթանակի, իսկ բեկումը ճակատում մոտ է:

Հարգանքով և բարեկամաբար՝

Ձեր նախկին գործընկեր, Ձեր հող ու ջրի՝

Թաթուլ Հակոբյան

Լուսանկարը՝ 23 ապրիլ, 2019, ՍիվիլՆեթ

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել