Մոլդովայի արտաքին գործերի նախարար Օլեգ Ցուլը Ադրբեջանի Անկախության օրվա առթիվ շնորհավորական ուղերձ է հղել իր ադրբեջանցի գործընկեր Ջեյհուն Բայրամովին: Շնորհավորանքի տեքստում ասվում է․
«Քիշնևի և Բաքվի դիրքորոշումների նմանությունը տեղական հակամարտությունների կարգավորման գործընթացում ընդգծվում է այն պետությունների տարածքային ամբողջականության սկզբունքի հարգման անհրաժեշտությունը, որոնք իրենց տարածքում ունեն այդպիսի խնդիրներ»:
Ակնհայտ է, որ Մոլդովայի արտգործնախարարը մոռացել է միջազգային իրավունքի այլ սկզբունքների մասին, ինչպիսիք են ժողովուրդների ինքնորոշման իրավունքը կամ ուժի չկիրառման սկզբունքը, որոնք ներկայումս Ադրբեջանը կոպտորեն ոտնահարում է:
Մոլդովային շնորհավորանքը կարող է արժենալ ոչ միայն իր երկրի հեղինակությունը, այլ նաև եվրասիական ինտեգրման հեռանկարների զարգացումը:
Փաստն այն է, որ Հայաստանը հնարավորություն ունի օգտագործելու վետոյի իր իրավունքը և թույլ չտալու, որ Քիշնևը միանա Եվրասիական զարգացման բանկին: Ներկայումս Մոլդովան ԵԱՏՄ-ում դիտորդ երկիր է, ինչը նրան իրավունք է տալիս մասնակցելու ԵԶԲ աշխատանքներին։ Ցուլի անխոհեմ հայտարարությունները կարող են անհաղթահարելի խոչընդոտ դառնալ իր երկրի՝ դեպի Եվրասիական կառույցներ տանող ճանապարհին:
