168.am-ը գրում է․
Հայկական միասնական տեղեկատվական կենտրոնում հրավիրված ասուլիսի ժամանակ ՀՀ ՊՆ ներկայացուցիչ Արծրուն Հովհաննիսյանը, անդրադառնալով գերեվարվածների հարցին, նշեց, որ հրադադարը հենց այս խնդրին լուծում տալու նպատակ ունի, և երբ այն տեղի ունենա, լրացուցիչ հայտարարություն կանեն կենդանի մնացած գերեվարվածների մասին:
Հարցին` արդյոք ունեցե՞լ ենք զոհեր հրադադարից հետո, Արծրուն Հովհաննիսյանն արձագանքեց` կարող է ունենանք, կարող է` ոչ, վաղն ավելի ստույգ կհայտնեն:
ՊՆ ներկայացուցիչը նշեց, որ այս պահին սահմանի ամբողջ երկայնքով հիմնականում հանգիստ է, հրադադարը պահպանվում է:
Այս համատեքստում Հովհաննիսյանը հայտնեց, որ Սյունիքի մարզում նորմալ վիճակ է, որևէ արտառոց բան, որևէ մարտական գործողություն չկա:
Ավելի վաղ հայտնել էինք, որ հակառակորդը կիրառել է հարվածային ԱԹՍ Երիցվանք գյուղական համայնքի, նաև Հայաստանի Սյունիքի մարզի, Կապանի շրջանի Արծվանիկ բնակավայրի ուղղությամբ։ Կա մեկ զոհ։
