Իշխանությունները փորձում են արձագանքել մասնագիտական համայնքի բարձրաձայնած մտահոգությանն առ այն, որ Սահմանադրական դատարանի դատավորների լիազորությունները դադարած համարելու համար անհրաժեշտ է առանձին իրավական ակտ/գործողություն/, արձանագրություն։

Սակայն, նշված խնդիրը լուծելու համար, ընտրվեց հերթական անհաջող տարբերակը։

Ազգային ժողովի կայքում տեղադրվել է անստորագիր «Մամուլի հաղորդագրություն», որն «արձանագրում է» Սահմանադրական փոփոխության հետևանքով Սահմանադրական դատարանի երեք դատավորներ՝ Ալվինա Գյուլումյանի, Ֆելիքս Թոխյանի և Հրանտ Նազարյանի լիազորությունների դադարումը։

Նշված հաղորդագրության հեղինակներին պետք է հիշեցնել, որ «Նորմատիվ իրավական ակտերի մասին» օրենքը նորմատիվ իրավական ակտերի շարքում չի նախատեսել ԱԺ կայքում տեղադադրված անստորագիր մամուլի հաղորդագրությունները։

Հ. գ. Հետաքրքիր է հաղորդագրության հեղինակների տրամաբանությամբ Ազգային ժողովի որ սահմանադրական լիազորության շրջանակներում են այն հրապարակել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել