Որոշ կանայք հեշտությամբ գտնում են ամուսիններ, իսկ մյուսները շարունակում են միայնակ լինել: Ամեն ինչ շատ ավելի պարզ է․ խնդիրը ձեր գլխում է: Ինչքան շուտ ազատվեք երջանկությունը ոչնչացնող մտքերից, այնքան ավելի արագ կամուսնանաք արժանի մարդու հետ:
Պետք է լինի ֆիլմերի նման
Միգուցե դուք սիրում եք երազել, որ մի օր արքայազնը սպիտակ ձիով կգա ձեր ետևից, սակայն այդպես սպասելով էլ մնում եք:
Դադարեք երազելուց և ինչ-որ բանի սպասելուց: Երազելը վատ բան չէ, սակայն դրանով պետք չէ շատ տարվել: Ապրեք ռեալ, իրական կյանքով, որը թույլ կտա մարդկանց և շրջապատին ավելի լավ ճանաչել:
Տղամարդը գեղեցիկ պետք է լինի
Եթե մինչև հիմա փնտրում եք Բրեդ Փիթի երկվորյակին, հավատացած եղեք, որ միայնակ եք մնալու: Առաջին հերթին ինքներդ պիտի համապատասխանեք ձեր երազանքների ստանդարտներին: Ուշադրություն դարձրեք այն տղամարդկանց, ովքեր շրջապատում են ձեզ իրական կյանքում:
Անպայման շատ հարուստ պետք է լինի
Հաշվարկով ամուսնությունները դժբախտ վերջաբան են ունենում, քանի որ կանայք ուշադրություն են դարձնում միայն գումարին և շատ հաճախ ուշադրություն չեն դարձնում տղամարդու վատ կողմերին: Բացի այդ՝ հարստությունը շատ արագ կարող է վերջանալ:
Միայն լուրջ հարաբերություններ
Որոշ կանայք ցանկանում են շատ արագ ամուսնանալ: Տղամարդիկ վախենում են այն կանանցից, ովքեր 3-րդ ժամադրության ընթացքում արդեն խոսում են ամուսնությունից, ապագա երեխաներից, երջանիկ ընտանեկան կյանքից: Այսպիսի պահվածքը կվախեցնի անգամ ամենակոնսերվատիվ մտածելակերպով տղամարդուն:
Առաջ մի ընկեք: Ամեն ինչ իր ժամանակին տեղի կունենա:
Երեխան հոր կարիք ունի
Եթե արդեն երեխա ունեք, չի նշանակում, որ տղամարդուն պետք է նայեք որպես ձեր երեխայի հոր: Որոշ կանայք այսպիսի սխալ են թույլ տալիս:
Եթե տղամարդը պատրաստ է կնոջը ընդունել երեխայի հետ, դա անգնահատելի է: Պետք չէ նրա հետ հարաբերությունները վատացնել:
Իմ տարիքում արդեն ուշ է
Որոշ կանայք տարիքից վախ ունեն: Հիշեք, եթե 40 տարեկան եք կամ ավել, կյանքը չի ավարտվել: Հակառակ սեռի համար կարևոր չէ երիտասարդ ուսանողուհի լինելը, կարևորը՝ լինեք խնամված, խելացի և գեղեցիկ:
Տղամարդկանց գրավելու համար բավարար է նույիսկ մի քիչ խնամեք ինքերդ Ձեզ և համապատասխան ոճ ունենաք:
