1in.am-ը գրում է.

Անցած գիշեր Մադրիդում բախումներ են տեղի ունեցել ոստիկանների և Իսպանիայի վարչապետ Մարիանո Ռախոյի հրաժարականը պահանջող ցուցարարների միջև: Այս մասին հայտնում է Associated Press գործակալույունը:

Հազարավոր ցուցարարներ փակել էին կենտրոնական շրջանի մի քանի փողոցներ: Այդ շրջանում է գտնվում իշխող Ժողովրդական կուսակցության կենտրոնակայանը: Ակցիայի մասնակիցները պահանջել են ֆինանսական չարաշահումների սկանդալի մեջ հայտնված Ռախոյի հրաժարականը: Ցույցը ցրելու համար իրավապահները կիրառել են ռետինե մահակներ: Գործակալության տվյալներով՝ տուժածներ կան երկու կողմից էլ:

Համանման պահանջով նույն օրը հազարավոր ցուցարարներ դուրս էին եկել նաև Բարսելոնի փողոցներ:

Ռախոյը հուլիսի 15-ին հայտարարել էր, որ չի պատրաստվում հրաժարական տալ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել