Pastinfo.am-ը գրում է․
ԱՄՆ նախագահ Դոնալդ Թրամփը հայտարարել է, որ վստահ է` կորոնավիրուսը կարող է ստեղծված լինել չինական վիրուսաբանական լաբորատորիայում, սակայն հրաժարվել է նկարագրել ապացույցները: Այս մասին հայտնում է Ռոյթերսը:
Հարցին` արդյոք տեսել է ապացույց, որն իրեն նման բարձր վստահություն է տվել, որ վիրուսը ստեղծվել է Ուհանի Վիրուսաբանության ինստիտուտում, Թրամփը պատասխանել է. «Այո, բայց չեմ կարող ձեզ ասել, քանի որ իրավունք չունեմ դա ասել»,-ասել է ԱՄՆ նախագահը` հստակ չներկայացնելով որևէ ապացույց:
Մինչդեռ ԱՄՆ պետքարտուղար Մայք Պոմպեոն էլ հարցազրույցներից մեկում ասել է, որ հայտնի չէ` վիրուսը լաբորատորիայում է առաջացել, թե ոչ:
Հիշեցնենք, որ բազմաթիվ փորձագետներ կարծում են, որ վիրուսն առաջացել է Ուհանի շուկայից և կենդանուց փոխանցվել է մարդուն:
ԱՄՆ-ում գրանցվել է կորոնավիրուսոի 1. 095 210 դեպք, մահացել է 63 861 մարդ:
