Հարց՝
Ես 22 տարեկան եմ, 15-16 տարեկանից սկսած մինչև հիմա հաճախ եմ զբաղվում ձեռնաշարժությամբ (օրական 3-4 անգամ): Հիմա առողջական ոչ մի խնդիր չունեմ, սեքսի ժամանակ նույնպես ոչ մի խնդիր չի եղել, ուղղակի կցանկանայի իմանալ՝ նորմա՞լ է արդյոք ձեռնաշարժության նման հաճախականությունը, և հնարավո՞ր են արդյոք հետագայում բացասական հետևանքներ: Նախապես շնորհակալություն:
Հարցին պատասխանում է բժիշկ-սեքսոպաթոլոգ, դոցենտ, ԵՊԲՀ սեքսոպաթոլոգիայի ամբիոնի վարիչ, սեքսոպաթոլոգիայի համալսարանական կլինիկայի ղեկավար Սևադա Հակոբյանը.
Պետք է ասել, որ մաստուրբացիան ինքնին այդ տարիքում պաթոլոգիկ չի դիտվում՝ դա բնորոշ է պատանեկան հիպերսեքսուալության տարիքին, սակայն եթե առկա է ռեգուլյար սեռական կյանք, այն նորմայում փոխարինվում է սեռական հարաբերություններով: Իհարկե 3-4 անգամը օրական կարելի է համարել հաճախակի, քանի որ կարող է որոշակի խանգարել անհատի օրվա ռեժիմը, խոչընդոտել մտավոր և ստեղծագործական կյանքին (ժամանակի սղությամբ պայմանավորված), հաճախ խանգարում է անհատին կենտրոնանալ, սակայն հետագայում եթե փոխարինվի ստաբիլ սեռական հարաբերություններով, ապա որևէ պաթոլոգիա չի առաջացնի: Այս դեպքերում խորհուրդ է տրվում առավել հաճախ զբաղվել ֆիզիկական ակտիվությամբ (սպորտ), խուսափել գրգռիչ սննդից, սուրճից, ալկոհոլից և շոկոլադից:
