Կորոնավիրուսները վիրուսների մեծ ընտանիք է, որոնք լայնորեն տարածված են ոչ միայն մարդկանց, այլեւ կենդանիների շրջանում: Ինչպես հայտնում է ԱՀԿ-ն, եղել են կորոնավիրուսը կենդանիներից մարդուն փոխանցելու դեպքեր, սակայն առայժմ կենդանիների շրջանում 2019‑nCoV-ի հնարավոր աղբյուր չի պարզվել:
Համենայն դեպս, վարակման կանխարգելման նպատակով խորհուրդ է տրվում կենդանիների վաճառքի շուկաներ այցելելիս խուսափել կենդանիների հետ անմիջական շփումից եւ աշխատել չհպվել այն մակերեւույթներին, որոնց հպվում են կենդանիները:
Իսկ արդյոք հնարավո՞ր է COVID‑19-ով վարակվել տնային կենդանուց:
ԱՀԿ տվյալներով՝ հայտնի է Հոնկոնգում նոր կորոնավԻրուսով շնից վարակվելու մեկ դեպքի մասին, սակայն ներկայումս բավարար տվյալներ չկան շներից, կատուներից կամ այլ տնային կենդանիներից COVID‑19-ով հնարավոր վարակվման մասին:
COVID‑19-ը տարածվում է գերազանցապես վիրուսները պարունակող փոքր կաթիլների միջոցով, որոնք օդի մեջ են հայտնվում, երբ վարակված մարդը փռշտում կամ հազում է: Վարակումից պաշտպանվելու լավագույն մեթոդն այսօր համարվում է ձեռքերը պարբերաբար լվանալը, այդ թվում՝ կենդանու հետ շփվելուց հետո, եւ այլ մարդկանց հետ շփվելիս հեռավորություն պահպանելը:
