Տնտեսական մրցակցության պաշտպանության պետական հանձնաժողովի նախագահը պնդում է, որ իրենց ուսումնասիրությունների արդյունքում պարզվել է՝ «խոշոր դեղատնային ցանցերը կամ ներմուծողները դիմակ չեն արտահանել, որևէ խոշոր ներմուծողի մոտ դիմակի գին չի բարձրացվել»:
Դժվար է հասկանալ՝ ինչ իրականության մեջ է ապրում ՏՄՊՊՀ աշխատակազմը, երբ փաստացի Հայաստանի գրեթե ողջ տարածքում դժվար է դիմակ գտնելը, իսկ եղածների գները մի քանի անգամ բարձրացել են:
Դժվարընկալելի է նաև կառույցի նախագահի այն հայտարարությունը, որը դիմակների գները բարձրացրել են մանր դեղատներ, որոնք «տնտեսական սուբյեկտեր չեն» և չեն գտնվում իրենց տիրույթում:
Իսկ ամենադժվարը հասկանալն է, թե ի վերջո ինչպե՞ս պետք է պաշտպանվի սպառողը ՏՄՊՊՀ տիրույթից դուրս հանված ոչ տնտեսական սուբյեկտներից:
Ե՞րբ է սկսելու այս կառույցն աշխատել իրապես ի նպաստ չարաշահումների դեմ պայքարի, ոչ թե իր գոյության մասին ի լուր աշխարհի:
