Երբ կը նայիս Եգիպտոսի զարմանահրաշ բուրգերուն եւ ներկայ տեղացի բնակչութեան, անմիջապէս կը հաստատես որ վերջինը ԿՐՈՂԸ չէ այդ հինաւուրց մշակոյթին....Նոյնն է պարագան շատ մը այլ երկիրներու....ինչպէս նաեւ Եւրոպայի, որուն այժմու բնակչութիւնը կարծէք իր հոգեւոր-բարոյական կապերը ամբողջովին խզած է դարերով ստեղծուած եւրոպական մշակութային ժառանգութեան հետ, դառնալով ՍՊԱՌՈՂԱԿԱՆ ՔԱՂԱՔԱԿՐԹՈՒԹԵԱՆ սպառող մասնիկը, շուկայական մտածելակերպի եւ ապրելակերպի կրողը....: Երբ կը խօսուի «Եւրոպական արժէքներու» հետ ինթեկրուելու կամ համարկուելու մասին, մեր երկրի պետական այրերը լաւ կընեն որ ճիշդ պատկերացնեն թէ խօսքը ինչի՞ մասին է....մշակութային-հոգեբարոյակա՞ն արժէքներուն, որոնք ստեղծուեր են նախորդ դարերուն, թէ՞ այն կեղծ «արժէքներուն», որոնք տիրական են մեր օրերուն եւ էապէս նիւթապաշտական են եւ ոչ մէկ կապ ունին բուն Եւրոպական արժէքներուն հետ...., որոնց դարը աւա՛ղ անցեր գացեր է:
