Sukhoi Superjet ինքնաթիռը ձախողել է ուղևորների տարհանման թեստերը, որոնք տեղի են ունեցել 2020 թվականի փետրվարի սկզբին: Դրա հետագա շահագործումը անհնար է, հայտարարել է ավիացիոն փորձագետ Վադիմ Լուկաշևիչը իր Facebook-ում։

Արտակարգ փչովի թեքահարթակներ բաց թողնելու ստուգման ընթացքում ճիշտ է բացվել միայն մեկը, ևս երկուսը գլխիվայր են ընկել, իսկ մեկը՝ պատռվել է: Լուկաշևիչը հիշեցրել է, որ ավիացիոն ներկայիս կանոնների համաձայն՝ ավելի քան 44 ուղևոր ունեցող ինքնաթիռից տարհանումը պետք է տեղի ունենա 90 վայրկյանի ընթացքում, իսկ դա «անհնար է անսարք վթարային սանդուղքների պարագայում»: Լուկաշևիչը կոչ է արել չեղարկել ինքնաթիռի վկայականը` մինչև շտապ փչովի թեքահարթակների արատները շտկելը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել