Սուխումիի և Թբիլիսիի միջև պետք է երկխոսություն լինի: Ինչ ձևաչափով, ինչ ձևով՝ նշանակություն չունի, «ԻնտերպրեսՆյուսին» հայտարարել է աբխազական ընդդիմության առաջնորդ Ասլան Բժանիան:
«Գլխավորն այն է, որ երկխոսությունը դրական արդյունք տա, և կարևոր չէ, թե քանի կողմ կմասնակցի դրան… Կարևորն այն է, որ այդ գործընթացում ներգրավված լինեն դրականորեն տրամադրված մարդիկ:
Կարծում եմ, որ նախևառաջ անհրաժեշտ է վերականգնել կողմերի միջև վստահությունը: Պետք է քայլեր ձեռնարկվեն այս ուղղությամբ, և ես համոզված եմ, որ դա կօգնի մեր դիրքորոշումների մերձեցման հարցում: Նման քայլերը պետք է ձեռնարկվեն նաև տնտեսական ոլորտում»,- ասել է Բժանիան:
Ասլան Բժանիան արդեն հայտարարել է իր թեկնածությունը առաջադրելու մտադրության մասին՝ ինքնահռչակ հանրապետության 2020 թվականի մարտի 22-ին կայանալիք նախագահական ընտրություններում:
