Երգչուհի Բեյոնսեն, սուպերմոդել Բելլա Հադիդը և ձեռներեց Քայլի Ջեները նորաձևություն են վերադարձել 2000-ականներին հայտնի կանացի աքսեսուարը, գրում է PageSix-ը:
Ամերիկյան այս աստղերը տարբեր ժամանակներում հայտնվել են միևնույն զարդարանքով՝ իրանի շուրջ շղթայով: Թրենդի մասին առաջինը հիշել է Բեյոնսեն. 2018-ի սեպտեմբերին իտալական Սարդինիա կատարած ուղևորության ընթացքում նա իրանը զարդարել է Luv AJ ապրանքանիշի 150 դոլարանոց ապարանջանով:
Ավելի ուշ սուպերմոդել Բելլա Հադիդը հուլիսին Միկոնոս կղզում հանգստի ժամանակ իրանը զարդարել է 11.8 հազար դոլարանոց ադամանդե շղթայով: Բացի այդ, դեկտեմբերին նա Instagram-ի հետևորդներին ցուցադրել է սեփական դիզայնի գոտկատեղը զարդարող ոսկե շղթան: Աքսեսուարը լրացված էր փոքր խաչով և մոդելի անվան առաջին տառով:
Իսկ մոդել և ձեռներեց Քայլի Ջեները տարվա ընթացքում մի քանի անգամ իր լողափային հանդերձանքները լրացրել է ադամանդե քարերով զարդարված ոսկե շղթայով, որը կրել է գոտկատեղից մի փոքր ներքև:
