Մոսկվան և Վաշինգտոնը պետք է անեն հնարավորը՝ նոր սառը պատերազմի սկիզբը կանխելու համար, ինչը կարող է անցնել թեժ փուլ և հանգեցնել ամբողջ քաղաքակրթության ոչնչացմանը: Այս մասին CNN-ին տված հարցազրույցում ասել է ՍՍՀՄ նախկին նախագահ Միխայիլ Գորբաչովը:

Նրա խոսքերով, զենքի վերահսկողության դադարեցումը մեծ սխալ կդառնա, քանի որ նման գործողությունների իրական նպատակը պետք է դառնա միջուկային զենքից հրաժարվելը:

Գորբաչովը խոստովանել է, որ այժմ շատ հեռու է այդ նպատակի իրագործումը, քանի որ Մոսկվան և Վաշինգտոնը վստահություն չունեն միմյանց նկատմամբ: Նախկին սովետական առաջնորդը նշել է, որ այժմ երկու երկրների միջև հարաբերությունները ավելի վատն են, քան երբևէ՝ սառը պատերազմի ավարտից ի վեր:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել