Իրենց հոր սպանության մեջ մեղադրվող Խաչատուրյան քույրերի պաշտպանությունը միջնորդություն է ներկայացրել գործը երդվյալ ատենակալների մասնակցությամբ քննելու վերաբերյալ: Այս մասին հայտնում է «ՌԻԱ Նովոստին»՝ հղում անելով փաստաբան Ալեքսեյ Լիպցերին:
Փաստաբանը հայտարարել է, որ ատենակալների դատարանն ավելի օբյեկտիվ է:
Լիպցերի խոսքերով, պաշտպանությունը նաև խնդրում է դադարեցնել քույրերի դեմ հարուցված քրեական գործը:
Վերջին տեղեկությունների համաձայն, սպանության մեջ մեղադրվող աղջիկներն ու նրանց պաշտպանները ավարտել են գործի նյութերին ծանոթությունը: Այժմ այն կփոխանցվի դատարան՝ մեղադրական եզրակացության հաստատումից հետո:
Փաստաբանի ենթադրությամբ, գործը դատարան կհասնի այս տարվա դեկտեմբերին:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել