A1plus.am-ը գրում է.
Որքանո՞վ է արդարացված յուրաքանչյուր ընտրությունից առաջ եւ հետո սահմանադրական փոփոխությունների անհրաժեշտության մասին խոսելը:
ԿԸՀ նախագահ Տիգրան Մուկուչյանը վստահեցնում է. չի կարելի Սահմանադրությունը քավության նոխազ դարձնել:
Ընտրական գործընթացների հետ կապված պարոն Մուկուչյանը Սահմանդրության մեջ միայն մեկ վիճելի նորմ է տեսնում: Խոսքը՝ անազատության դատապարտված անձանց քվեարկելու իրավունքից զրկված լինելու մասին է:
Տիգրան Մուկուչյանը կոչ է անում Սահմանադրության հետ նուրբ վարվել, այն անհարկի չքննադատել, ինչպես նաեւ պատեհ-անպատեհ առիթներով չդիմել ՍԴ:
Ընտրության արդյունքների վիճարկումը, թերեւս, չպետք է դառնա ընտրական գործընթացի պարտադիր փուլ: Մեզ մոտ, ցավոք, սա շատ հաճախ ընկալվում է որպես ընտրական գործընթացի փուլ, -ասաց Տիգրան Մուկուչյանը:
ԿԸՀ նախագահը հիշեցնում է` թե նախագահի, թե Երեւանի ավագանու ընտրությունների առիթներով ՍԴ նախկինում արդեն արտահայտել է իր իրավական դիրքորոշումները:
