Ինքնաշեն բաղադրատոմսեր` կատարյալ թևատակեր ունենալու համար

1. Կարտոֆիլ և ոսպ

Միջոցը թևատակերը կփափկեցնի, կսպիտակեցնի:

Անհրաժեշտ է՝

• 1 ոչ մեծ բաժակ մաքրված և մանրացված կարտոֆիլ,
• 1 բաժակ դեղին ոսպ,
• 1 ճ/գ մեղր,
• 4 ճ/գ լայմի հյութ,
• Կտոր՝ ֆիլտրի համար։

Պատրաստումը

Ոսպը թրջեք, թողեք՝ գիշերը մնա:

Հաջորդ օրը դրանից մածուկ պատրաստեք:

Կարտոֆիլը լցրեք կտորի մեջ: Ձեռքերը սեղմեք:

Կիտրոնի հյութը, կարտոֆիլի ջուրը և մեղրը ավելացրեք ոսպի մածուկին, ամենը խառնեք:

Քսեք անհրաժեշտ հատվածին և թողեք՝ չորանա 15-20 րոպե:

Լրիվ չորանալուց հետո լվացեք սառը ջրով:

Կրկնեք շաբաթական մեկ անգամ:

2. Բանան և վարսակ

Անհրաժեշտ է՝

• 1 հասած բանան
• 2 ճ/գ վարսակ

Պատրաստումը

Բանանը մանրացրեք։

Ավելացրեք վարսակը, որ մածուկ ստացվի:

Շրջանաձև շարժումներով քսեք այդ հատվածին:

Թողեք 10-15 րոպե:

Վերջում լվացեք տաք ջրով:

Կրկնեք շաբաթական 3 անգամ:

3. Սոդա և շաքարավազ

Սոդան ազդում է որպես սպիտակեցնող նյութ և սկրաբ, մաշկը թեփազատում է:

Պատրաստումը

1. Շաքարավազը և սոդան խառնեք լայմի հյութի հետ:
2. Քսեք անհրաժեշտ հատվածին:
3. Թողեք 8-10 րոպե՝ այդ ընթացքում մերսելով շրջանաձև շարժումներով:
4. Վերջում ողողեք սառը ջրով:
5. Չորացրեք և խոնավեցնող քսուք քսեք:
6. Կրկնեք շաբաթական 2 անգամ:

4. Ձիթապտղի յուղ և շաքարավազ

Կսպիտակեցնի և կխոնավեցնի թևատակերը:

Պատրաստումը

1. Խառնեք 3 ճ/գ ձիթապտղի յուղ և 1 բաժակ դարչնագույն շաքարավազ:
2. Շրջանաձև շարժումներով քսեք անհրաժեշտ հատվածին:
3. Թողեք 5 րոպե, լվացեք սառը ջրով:
4. Կրկնեք շաբաթական 2 անգամ: