ԱՄՆ-ում ծխախոտի խառնուրդի օգտագործումից զոհերի թիվը հասել է 26-ի: Այս մասին հաղորդում է The Wall Street Journal-ը՝ հղում անելով ԱՄՆ հիվանդությունների կանխարգելման և վերահսկման կենտրոնին:

Վերջին շաբաթվա ընթացքում վեյպի պատճառով առողջությանը վնաս հասցնելու հաստատված և հնարավոր դեպքերի թիվը աճել է 219-ով: Վեյպ օգտագործելու արդյունքում առողջության վատթարացման բողոքներով բժիշկներին է դիմել ընդհանուր առմամբ 1299 մարդ:

Թոքերի հիվանդություններ՝ վեյպ ծխելու արդյունքում, գրանցվել են ամերիկյան 49 նահանգներում, Կոլումբիայի շրջանում և Վիրգինյան կղզիներում: Նշվում է, որ միայն Ալյասկայում դեռևս չկան գրանցված դեպքեր:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել