Շատերին կարող է խիստ տարօրինակ թվալ, թե այդ ոնց ա լինում, որ Նիկոլ Փաշինյանն ա ՊՎԾ-ի նախկին պետ Սանասարյան Դավիթին փաստացի «մեկուսարանի ուղեգիր» տալիս, բայց այդ նույն պարագայում Դավիթը փոխանակ մի բառ ասի Նիկոլի հասցեին, ողջ օրը շարունակում է «նախկիններ ու Սերժ» հայհոյել։ Իրականում ամեն ինչ շատ պարզ ա՝ ներկայումս Հայաստանում ամենաանվտանգը Սերժին եւ նախկիններին ամեն առիթով հայհոյելն ա, դրա համար դեռ կարելի ա անգամ բազմաթիվ պարապ մնացած ֆեյսբուքահայության լայքերը հավաքել ու շարունակել մնալ հեղափոխության երազանքների հերոսը, իսկ եթե Դավիթը հանդգնի գեթ մի թթու խոսք ասել Նիկոլի հասցեին, տեղում հայ հասարակությունը վերջապես բոլոր մանրամասներով կտեղեկանա, թե իր պաշտոնում այդ ինչեր ա արել Դավիթ Սանասարյանը, որ անգամ սեփական թիմակիցները անկարող եղան դրա վրա աչք փակել։ Այնպես որ Դավիթի մոտ հաստատապես ստոկհոլմյան սինդրոմ չի, այլ շատ խորքային հաշվարկ ու հայ հասարակությանը մոլորեցնել շարունակելու ցինիկ փորձեր, առավել եւս որ այս ազգի մեջ էմոցիոնալ մանկամիտների պակաս երբեք չի եղել՝ պատրաստ են ծափահարել ամեն տեսակի շառլատաններին...
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել