Արևին ճաղերից այն կողմ նայող երեխաների համար էլ փայտն ու ներկը ունեն նույն նշանակությունը: Այս մասին էր հիշեցնում այսօր «Աբովյան» քրեակատարողական հիմնարկում պահվող մոտ 40 անչափահաս ազատազրկվածների աշխատանքները;
Այսօր Հայաստանի ժողստեղծագործական պետական թանգարանում անչափահասները ներկայացրել էին փայտի վրա գեղարվեստական փորագրություննեը, խեցեգործական և գեղանկարչական աշխատանքները: Նրանք իրենց գործերը ներկայացնում են 2001թից՝ դիզայներ Թեմիկ Խալափյանի աջակցությամբ;
Նա հպարտանում է յուրաքանչյուր երեխայի աշխատանքով;
«Մենք անհատապես ենք երեխաների հետ աշխատում:Սա տիտանական աշխատանք է,պատկերացրեք ինչ բարդ երեխաներ են, երբեմն շատ լուրջ խնդիրներ են լինում, երբեմն պետք է լինում տարիներով համոզել:Պետք է կարողանաս երեխային ապացուցել,որ իր մեջ անթեղված շնորհք կա»,-նշում է նա:
Ցուցահանդեսից հետո երեխաների ստեղծագործությունները հիմնականում պահվում են Թեմիկ Խալափյանի մոտ; Գնորդներ հայտնվելու դեպքում գումարը փոխանցվում է հեղինակներին։
287 նմուշների հեղինակներից և ոչ մեկն այսօր չցանկացավ խոսել տեսախցիկի առաջ; Նրանք թանգարան էին եկել ոստիկանների ուղեկցությամբ։
