Պետդեպի աշխատակցուհին դատապարտվել է երեք տարվա ազատազրկման չինական հետախուզության հետ համագործակցելու համար

Ամերիկյան դատարանը պետդեպարտամենտի նախկին աշխատակցուհի Քենդիս-Մարի Քլեյբորնին 40 ամսվա ազատազրկման և 40.000 ԱՄՆ դոլարի չափով տուգանքի է դատապարտել:

Կինը մեղադրվում է չինական հետախուզությանը գաղտնի փաստաթղթեր տրամադրելու մեջ, գրում է RG-ն:

Հետաքննության համաձայն, 63-ամյա դատապարտյալը, պետդեպարտամենտում աշխատելու ժամանակ թաքցրել է իր կապերը Չինաստանի գործակալների հետ և նվերների դիմաց նրանց է տրամադրել ներքին տեղեկատվությունը:

Քլեյբորնը ձերբակալվել է երկու տարի առաջ, ըստ նախնական մեղադրանքի նրան մինչև 25 տարի ազատազրկում էր սպառնում: 2019 թ.-ի ապրիլին կինն իրեն մեղավոր է ճանաչել ՉԺՀ հետախուզության հետ համագործակցության մեջ: