Armenpress.am-ը գրում է.

Մեծ Բրիտանիան և Ֆրանսիան համաձայնել են Սիրիա ուղարկել հավելյալ զորախմբեր այնտեղից հեռացող ամերիկացի զինվորականների փոխարեն: Ինչպես հաղորդում է «Արմենպրես»-ը, այս մասին տեղեկացնում է «ՌԻԱ Նովոստի»-ին՝ վկայակոչելով Foreign Policy-ն։

Մեծ Բրիտանիան և Ֆրանսիան ԱՄՆ-ի միակ գործընկերն  են, որոնք դեռևս Սիրիայում զորախմբեր ունեն:

«Այդ երկրները պարտավորվում են մեծացնել զորքերի թվաքանակը 10-15 տոկոսով: Այլ երկրներ նույնպես կարող են որոշ քանակությամբ զինվորներ ուղղել, սակայն դրա դիմաց պետք է վճարեն ԱՄՆ-ին»,- ասել է ԱՄՆ վարչակազմի ներկայացուցիչը:

ԱՄՆ-ը և նրա գործընկերները 2014 թվականից «Իսլամական պետություն» ահաբեկչական խմբավորման դեմ Սիրիայում և Իրաքում օպերացիա են անցկացնում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել