Հունիսի 28-ին Կիպրոսում հրապարակվել են Օդանավակայանների միջազգային խորհրդի 15-րդ ամենամյա մրցանակաբաշխության հաղթողների անունները, գրում է Daily Mail-ը:
Մրցանակը հանձնվում է 4 անվանակարգերում՝ ըստ օդանավակայանների տարեկան ուղևորահոսքի: Հաշվի են առնվում հաճախորդների սպասարկումը, հարմարությունների առկայությունը, անվտանգությունը և այլ գործոններ:
Տարեկան մինչև 5 մլն ուղևոր փոխադրող օդանավակայանների անվանակարգում հաղթող է ճանաչվել Իռլանդիայի Կորկ քաղաքի օդանավակայանը, 5-10 մլն ուղևոր ուղևորահոսքի անվանակարգում՝ Իսպանիայի Բիլբաո քաղաքի օդանավակայանը, իսկ 10-25 մլն և 25 միլիոնից ավելի ուղևոր փոխադրող լավագույն օդանավակայաններ են ճանաչվել համապատասխանաբար Լիոնի «Սենթ Էքզյուպերի» և Հռոմի «Ֆիումիչինո» օդանավակայանները:
Տարբեր անվանակարգերում առաջադրվել են նաև Լոնդոնի, Բրիսթոլի, Վենետիկի, Բոլոնիայի, Մյունխենի և Կոպենհագենի օդանավակայանները:
Կորկ քաղաքի օդանավակայանը (Իռլանդիա)
Բիլբաո քաղաքի օդանավակայանը (Իսպանիա) 
Լիոն քաղաքի օդանավակայանը (Ֆրանսիա)
Հռոմի օդանավակայանը (Իտալիա)/cdn.vox-cdn.com/uploads/chorus_image/image/47693517/Airport_Dining_Rome.0.0.jpg)
