Հայաստանցիները զարմացրել են եվրոպացիներին իրենց գիտելիքներով։ Մայիսի վերջին Երեւանի, Շիրակի, Տավուշի և Լոռու մարզերի 1002 բնակիչներ Եվրոպական միության ու անդամ երկրների մասին հարցաշար էին լրացրել:
Քանի որ 53 հոգի ճիշտ էին պատասխանել բոլոր ութ հարցերին, ԵՄ-ը կենտրոնը ստիպված վիճակահանություն էր կազմակերպել։
Երեք հաջողակները որոշվեցին Հայաստանում ԵՄ պատվիրակության ղեկավար, դեսպան Տրայան Հրիսթեայի և Հայաստանի արդարադատության փոխնախարար Եղիշե Կիրակոսյանի ձեռամբ։
Դեսպանը բավականին երկար խառնում էր թղթերով լցված բաժակը՝ հաղթողի անունը հանելուց առաջ։
Գլխավոր մրցանակ ստացավ վարորդ Մարտին Մելքոնյանը`Աշտարակի Ագարակ գյուղից, երկրորդ մրցանակը ստացավ Արամ Խաչատրյանը`Երևանից, երրորդ մրցանակին արժանացավ լոգոպեդ Գոհար Ղազարյանը` Դիլիջանից:
Խրախուսական մրցանակների արժանացան նրանք, ովքեր ճիշտ էին պատասխանել 7 հարցի:
Ընդհանարպես մեծամասամբ ճիշտ պատասխաններ էին տվել 141-ը։
Գլխավոր մրցանակը Եվրոպական միության և ԵՄ կենտրոնի լոգոներով 6 բաժակի հավաքածու է, երկրորդ մրցանակը Եվրոպական միության և ԵՄ կենտրոնի լոգոներով անձրևանոց է, երրորդ մրցանակը Եվրոպական միության և ԵՄ կենտրոնի լոգոներով շապիկ է` յուրաքանչյուրն իր պայուսակով:
