Նիկոլա, Լաուրա և Էլիսոն քույրերը, որոնց մասին է այսօրվա մեր պատմությունը, ծնվել են 1987 թվականի ապրիլի 25–ին։ Աղջիկները միաձվանի եռյակ են, այլ խոսքերով ասած՝ նրանց տարբերելն անհնար է։ Մեծանալով աղջիկները կարողացել են պահպանել իրենց անտեսանելի կապը, ինչպես նաև իսկական գեղեցկուհիներ են դարձել։
Դրա շնորհիվ վերջին քսան տարիների ընթացքում նրանք մշտապես որպես մոդելներ հանդես գալու առաջարկություններ են ստանում։ Սակայն եռյակի ծնողները որոշել էին, որ երեխաներից չեն խլելու իրենց մանկությունը։ Այնուամենայնիվ, արդեն 16 տարեկանում Քրիմինս քույրերն իրենց առաջին քայլերը սկսեցին անել մոդելային բիզնեսում։
Հայրենի Դուբլինում քույրերն իսկական աստղեր են։ Նրանք մշտապես մասնակցում են նորաձևության ցուցադրություններին և բոլոր հնարավոր շոուների մշտական հյուրերն են։ Այս ամենը նրանց լավ եկամուտ և հայտնիություն է բերում, սակայն միևնույն ժամանակ կաշկանդում է նրանց, չէ՞ որ նրանց հիմնական առանձնահատկությունը ոչ թե գեղեցկությունն է, այլ միմյանց նմանությունը։
Չնայած որ Էլիսոնը, Լաուրան և Նիկոլան երեք տարբեր մարդիկ են, նրանք, ըստ էության, մեկ կյանքով են ապրում։ Նրանց օրը սկսվում է համատեղ առավոտյան վազքից, որից հետո նրանք պետք է նախաճաշեն՝ նույն նախաճաշը բոլորի համար, հետո գնում են մարզասրահ, որտեղ պետք է միևնույն վարժություններն անեն։ Գեղեցկության սրահն ու ոճաբանն էլ են նույնը։ Նրանք երեքն էլ 180 սմ հասակ ունեն և 54 կգ են կշռում։ Նրանց օծանելիքն ու կոսմետիկան էլ նույնն են։ Իսկ եթե նրանք որոշում են դիետայից հետ կանգնել և մի կտոր պիցցա ուտել, դա նույնպես պետք է երեքով անեն։
Միակ ոլորտը, որը քույրերը չեն կիսում երեքով, անձնական կյանքն է։ Լաուրան արդեն երկար ժամանակ է, ինչ զուգընկեր ունի, իսկ Էլիսոնն ու Նիկոլան այս պահին ազատ են։
