Նախագահ Արմեն Սարգսյանը Հանրային հեռուստաընկերությանը տված հարցազրույցում հայտնել է, որ դատաիրավական բարեփոխումների վերաբերյալ իր կարծիքը կհայտնի կոնֆիդենցիալ ձևով, եթե առանձին անհատներ, պրոֆեսիոնալ մասնագետներ դիմեն իրեն:
Ի՞նչ ասել է կոնֆիդենցիալ ձևով:
Երկրում խոսքի ազատությունն այն կարգի է վտանգվա՞ծ, որ ՀՀ նախագահը վախենում է իր կարծիքը ԲԱՐՁՐԱՁԱՅՆ արտահայտել երկրում ընթացքող գործընթացների վերաբերյալ:
Ինչ-որ մեկը նրան սպառնո՞ւմ է ու կարգադրո՞ւմ լռել (Արմեն դու սուս տարբերակով):
Թե՞ բարեփոխումների վերաբերյալ բավարար պատկերացում չունի և մտածում է` կարող է այնպիսի բան ասել, որ քննադատության արժանանա:
Կամ կարո՞ղ է վախենում է, որ իր կարծիքը հնարավոր է չհամընկնի օրենսդիր ու գործադիր ճյուղերի դիքորոշման հետ ու փորձում է խուսափե՞լ ավելորդ գլխացավանքից:
Հաշվի առնելով նրա մեկ այլ հայտարարությունն առ այն, որ իր կարծիքը ԲԱՐՁՐԱՁԱՅՆ կհայտնի այն օրը, երբ բարեփոխումների վերաբերյալ առաջարկները կառավարության, ապա Ազգային ժողովի հաստատումից հետո կհայտնվեն իր սեղանին, ապա կարելի է ասել, որ հավանաբար չորրորդ տարբերակն է: Կամ հնարավոր է բոլոր տարբերակներն էլ միասին վերցրած…
ՀՀ նոր Սահմանդրությամբ, այո´, նախագահի լիազորությունները բավականին կրճատված են, բայց հիշեցման կարգով նշեմ, որ դա չի տարածվում նրա` անկաշկանդ իր կարծիքը արտահայտելու իրավունքի վրա:
