Իրանցի օրենսդիր և խորհրդարանական հետազոտական խմբի ղեկավար Քազեմ Ջալիլին հայտարարել է Լեռնային Ղարաբաղի հակամարտության լուծմանն օգնելու Թեհրանի պատրաստակամության մասին, հաղորդում է IRNA գործակալությունը:

«Մենք կարծում ենք, որ Հայաստանի և Ադրբեջանի միջև Լեռնային Ղարաբաղի հակամարտության կարգավորումն ունի քաղաքական լուծում, այդ խնդիրը պետք է լուծեն տարածաշրջանի երկրները և տարածաշրջանին մոտ գտնվող երկրները»,- ասել է Ջալիլին:

Նա նշել է, որ Իրանը, գտնվելով Հայաստանի և Ադրբեջանի անմիջական հարևանությամբ, ավելի զգայուն է տվյալ հարցի հանդեպ, քան տարածաշրջանի մյուս երկրները:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել