Հաշվել են «Գահերի խաղում» զոհերի թիվը

The Washington Post պարբերականը պատկերազարդ ուղեցույց է հրապարակել «Գահերի խաղի» բոլոր մահացած կերպարների մասին: Շոուի ընթացքում 6887 հերոս է զոհվել:

Ամենադաժանը, պարզվել է, եզրափակիչ ութերորդ եթերաշրջանն էր: Այստեղ զոհերի թիվը հասել է 4548-ի: Դեյեներիս Թարգարիենի մահը առավել կարևորն է համարվել եթերաշրջանում: Բացի այդ՝ նշվել են նաև այնպիսի գլխավոր հերոսներ, ինչպիսիք են Սերսեան և Ջեյմի Լանիսթերները, Էուրոն Գրեիջոյը, Ջորահ Մորմոնտը, Մելիսանդրան, Ուորիսը, Թեոն Գրեիջոյը, Միսանդեան, Գիշերվա Թագավորը, Սանդոր Կլիգանը, վիշապներ Ռեիգալը և Վիզերիոնը: Վերջին դրվագներում սպանվել են նաև գրեթե երկու հազար «սպիտակ քայլողներ» և 720 ձիեր:

Ամենաքիչ զոհերը եղել են առաջին եթերաշրջանում՝ ընդամենը 59-ը: Մահացած հերոսներից առանձնացրել են Նեդ Սթարկին, Կհալ Դրոգոյին, Ռոբերտ Բարաթեոնին և Վիզերիս Թարգարիենը:

Առավել շատ սպանության են դիմել վիշապ Դրոգոն (1,426 զոհ), Արյա Սթարկը (1278 զոհ), վիշապ Ռեիգալը (273 զոհ), Սերսեա Լանիսթերը (199 զոհ) և Ջոն Սնոուն (112 զոհեր): Հերոսների մեծ մասը մահացել է Վինթերֆելում (3,709 մահ), Royal Harbour-ում (1,357 մահվան դեպք) և Wall-ի հետևում տեղի ունեցած բախումների ժամանակ (1,092 մահվան դեպք):