Արտառոց է, որ սոցցանցերում մեծ աղմուկ բարձրացավ «Միսս Հայաստան 2019» մրցույթի հետ կապված։ Համակարգիչների առջև նստած բազմաթիվ պարապ մարդիկ սկսեցին քննադատությունների թիրախ դարձնել «Միսս Հայաստան 2019»-ի հաղթողին, թե իբր այդ աղջիկը տգեղ է, չունի գրագիտություն և այլն։ Սակայն ամենահետաքրքրականն այն է, որ նույն մարդիկ երբեք չեն քննադատում կառավարությունում, ԱԺ-ում և մյուս կառավարական մարմիններում հայտնված այն քայլարածներին, որոնք ոչ միայն գրագիտության պակաս ունեն, այլև հայրենասիրության, և ունքը սարքելու տեղը աչքն էլ են հանում։
Պետությունը դարձել է պատանդ, իսկ պետական համակարգը՝ որբի գլուխ, որի վրա նորաթուխ երիտասարդները մազ կտրել են սովորում։ Արսեն Թորոսյանը Դավիթ Սանասարյանի վրա է բոչկա գլորում, Սանասարյանը՝ Թորոսյանի, մեկը մյուսի տակ փորելով փորձում է ինքնահաստատվել։ Սորսականներն իրենց գիծն են առաջ քաշում՝ թքած ունենալով պետության հզորացման և ազգային արժեքների վրա։ Երկրում տնտեսական աշխուժություն չի զգացվում, իսկ միջազգային հարթակներում ոչ մեկ լուրջ չի ընդունում ՀՀ իշխանություններին։ Փաշինյանն էլ, ցույց տալու արդյունքներ չունենալով, ամեն օր ցուցահանդեսներում ուտեստներ է համտեսում։
Հասարակություն ակնկալում է երկրի հզորացում և տնտեսական բարգավաճում, սակայն տեղի է ունենում հակառակը։ Մարդիկ իրենց ունեցածը գնահատում են միայն կորցնելուց հետո, իսկ հասարակ քաղաքացիները շատ շուտով իրենց մաշկի վրա սկսեն զգալ իրավիճակի ամբողջ բարդությունը։