Պաշտոնական այցով Ադրբեջանում գտնվող Բելառուսի Զինված ուժերի գլխավոր շտաբի պետ, պաշտպանության նախարարի առաջին տեղակալ, գեներալ-մայոր Օլեգ Բելոկոնևի գլխավորած պատվիրակությունն Ադրբեջանում այցելել է զորամաս:
Շտաբի պետին Ադրբեջան պաշտոնական այցով հրավիրել էր Ադրբեջանի ԶՈւ գլխավոր շտաբի պետ Նեջմեդդին Սադիկովը։
Պատվիրակության հետ նրանք ծանոթացել են զորամասի տարածքում գտնվող ռազմական ենթակառուցվածքներին, վարչական, ծառայողական շենքերին և կառույցներին, ինչպես նաև զինվորական զորանոցներին, ճաշարանին և ռազմական տեխնիկային:
Ադրբեջանական կողմը մանրամասն ներկայացրել է բելառուսական կողմին անձնակազմի մարտական և ծառայողական պարտականությունների կատարման համար ստեղծված պայմանները։
Թշնամին վերջին շրջանում առավել ակտիվ է նախապատրաստվում «խաղաղությանը», որի արդյունքն է տարբեր մակարդակի զորավարժությունները և այլ երկրների հետ ռազմական կապերի ամրապնդումը։ Այս պահին աշխատանք են կատարում Բելառուսի հետ, տեսնենք՝ հաջորդը ով կլինի։
