Իսկ դուք երբևէ փորձե՞լ եք խատուտիկի մուրաբա։ Կարծում ենք՝ ոչ։ Եկեք այսօր այն միասին պատրաստենք։
Անհրաժեշտ բաղադրիչներ
- Խատուտիկի 250 ծաղիկ
- 1 կգ շաքար
- 1 լիտր ջուր
- 1 հատ լիմոն
Պատրաստման եղանակը
1. Համեղ ծաղկային մուրաբա պատրաստելու համար պետք է սկզբում ճիշտ հավաքել ծաղիկները։ Նախ խատուտիկները հավաքելիս պետք է պարզ, արևային օր լինի, որպեսզի ծաղիկներն ամբողջությամբ բացված լինեն։ Երկրորդ՝ աշխատեք, որ ծաղիկները փոշոտ ու աղտոտված օդով վայրերից չհավաքեք։
2. Հավաքեք 250 ծաղիկ։ Հագեցած ծաղկային համ ստանալու համար խորհուրդ է տրվում ծաղիկները չլվանալ։ Սակայն եթե մաքրության մեջ վստահ չեք, ամեն դեպքում լվացեք դրանք։
3. Մուրաբայի համար մեզ պետք են միայն ծաղկաթերթիկները։ Դրանք մկրատով կտրեք, լցրեք կաթսայի մեջ և սառը ջուր լցրեք վրան։
4. Լիմոնը կտրեք, հեռացրեք կորիզները և դրեք ծաղիկների հետ միասին կաթսայի մեջ։ Դրեք կրակին և եռալուց հետո հինգ րոպե եփեք։ Թողեք՝ սառչի և դրեք սառնարանը 10-12 ժամով։ Դրանից հետո թուրմը քամեք՝ լավ սեղմելով ծաղկաթերթիկները։
5. Քամված թրմին ավելացրեք շաքարավազը և դրեք կրակին։ Խառնեք, մինչև որ շաքարն ամբողջովին հալվի։ Միջին կրակի վա եփեք մոտ կես ժամ։ Լցրեք մուրաբան ստերիլիզացված բանկաների մեջ և փակեք։ Ահա և պատրաստ է մեր ծաղկային մուրաբան։