ՀՀ վարչապետ Նիկոլ Փաշինյանը որոշումներ է ստորագրել արդարադատության նախարարի տեղակալներ նշանակելու մասին:
Վարչապետի որոշմամբ՝ Արտակ Ասատրյանը նշանակվել է արդարադատության նախարարի առաջին տեղակալ:
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Արտակ Ասատրյանին նշանակել արդարադատության նախարարի առաջին տեղակալ՝ ազատելով նրան արդարադատության նախարարի տեղակալի պաշտոնից»:
Արդարադատության նախարարի տեղակալ է նշանակվել Տիգրան Խաչիկյանը:
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Տիգրան Խաչիկյանին նշանակել արդարադատության նախարարի տեղակալ»,- ասված է որոշման տեքստում:
Արդարադատության փոխնախարար է նշանակվել նաև Աննա Վարդապետյանը:
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Աննա Վարդապետյանին նշանակել արդարադատության նախարարի տեղակալ»,- ասված է համապատասխան որոշման մեջ: