Այդ ժամանակ երևի Հասանովի մտքով էլ չէր կարող անցնել, որ տարիներ հետո նա դառնալու է Ադրբեջանի պաշտպանության նախարար․ ամբողջությամբ կոռուպցիայի և հանցագործությունների մեջ թաղված ադրբեջանցի կոմիսարի ամենահավանական գտնվելու վայրն այն ժամանակ Մագադանն էր, որը կարոտով սպասում էր ադրբեջանցի գնդապետին։
Զաքիր Հասանովի և հայերի հետ կապի մասին միշտ խոսել են, բայց հիմա սկսել են էլ ավելի ընկնել նրա հետևից, ու այդ ամենը բացահայտող նյութեր են հրապարակվում։ Ալթայում ծառայություն իրականացնող Հասանովի մտերիմները պատմում են, որ ադրբեջանցի սպա Զաքիր Հասանովը շատ մտերիմ էր հայ զինվորականի հետ։ Դա այն շրջանում, երբ Արցախում ուժեղ մարտեր էին գնում։ Կասկածներ կան, որ այդ հայ սպան այս պահին աշխատում է ՀՀ ՊՆ-ում ու զբաղեցնում է բարձր պաշտոն ու այդ ժամանակներից սկսած մեծ ազդեցություն է ունեցել Զաքիր Հասանովի վրա։
Ապրիլյան մարտերի ժամանակ մի շարք օպերացիաների ձախողումը, ռազմական գաղտնիք պարունակող քարտեղը հայերի մոտ հայտնվելը ադրբեջանցիները ևս կապում են այդ հայ սպայի ու Զաքիր Հասանովի հարաբերությունների հետ։
Չգիտեմ՝ կոնկրետ ովքեր են սկսել այս հետաքննությունն Ադրբեջանի պաշտպանության նախարարի դեմ, սակայն այսպես շարունակվելու դեպքում, եթե սրա գլուխը չուտեն, ապա նախարարը կարող է գլուխ գովալ, որ բախտավոր աստղի տակ է ծնվել, որ ժամանակին բանտերում չի փտել ու հիմա էլ ողջ և առողջ դուրս է գալիս այս պատմությունների միջից։
