Tert.am-ը գրում է.
Ռուս պրանկերներ Վլադիմիր Կուզնեցովն ու Ալեքսեյ Ստոլյարովը, որոնք առավել հայտնի են որպես Վովան և Լեքսուս, հեռախոսով զրուցել են Վենեսուելայի ընդդիմության առաջնորդ, իրեն երկրի ժամանակավոր նախագահ հռչակած Խուան Գուաիդոյի հետ՝ ներկայանալով որպես Շվեյցարիայի նախագահ Ուլի Մաուրեր:
Ինչպես նշում է vz.ru-ն, խաղարկային զրույցի ընթացքում «Մաուրերն» առաջարկել է արգելափակել Վենեսուելայի նախագահ Նիկոլաս Մադուրոյի՝ շվեյցարական «Լեքսուս Վովանիալ» բանկում գտնվող միլիոնները, իսկ հետո դրանք փոխանցել Գուաիդոյի հաշվին:
Բացի այդ, Շվեյցարիայի «նախագահն» ասել է, որ ընդդիմության առաջնորդը կարող է այդ միջոցները ծախսել ինչպես «երկրի ղեկավար»:
Գուաիդոն, չկասկածելով՝ իրականում ում հետ է խոսում, շնորհակալություն է հայտնել «նախագահին» ու համաձայնել դրամական միջոցների արգելափակման դիմում ուղարկել:
Ամբողջական հոդվածը կարող եք կարդալ այստեղ