Արյունատար անոթները կարելի է երիտասարդացնել՝ ընդունելով միտոքոնդրիումային հակաօքսիդանտներ։ Այսպիսի երակացության են եկել Կոլորադոյի համալսարանի գիտնականները։
Գիտնականները 70-79 տարեկան 20 տարեց մարդու մասնակցությամբ հետազոտություն են իրականացրել։ Նրանց մի մասը 6 շաբաթվա ընթացքում օգտագործել է MitoQ հակաօքսիդանտ, որը թիրախավորում է միտոքոնդրիումները։ Մասնակիցների մյուս մասն ընդունել է պլացեբո։
Արդյունքում մասնակիցների մոտ նկատվել են անոթային փոփոխություններ, որոնք համարժեք են 15-20 տարի երիտասարդանալուն։ Մասնավորապես, անոթների աշխատանքը 42%-ով բարելավվել է։ Այսպիսի ցուցանիշները կարող են 13%-ով նվազեցնել սրտային հիվանդությունները։
Ինչպես նշում է գլխավոր հետազոտող Մեթյու Ռոսմանը, սա առաջին փորձարկումն է եղել, որը նպատակ է ունեցել գնահատելու միտոքոնդրիումների ազդեցությունը մարդու անոթների վրա։
Ռոսմանի խոսքերով՝ բուժման նմանատիպ մեթոդները կարող են զգալիորեն նվազեցնել տարիքային փոփոխության հետ կապված սիրտ-անոթային հիվանդությունների վտանգը։
