Aysor.am-ը գրում է.
Մանրամասն պարզբանում տրվեց պարգևատրումների, աշխատավարձերի, ընդհանուր այն տեղեկատվության հիման վրա, որ հրապարակման ենթակա է, որն անձնական տվյալների պաշտպանության մասին օրենքով պաշտպանված է, եղավ ամփոփ քննարկում, ԱԺ-ում լրագրողների հետ զրույցում այսօր ասաց ՊԵԿ նախագահ Դավիթ Անանյանը։
«Եղավ մոտավորապես 15-20 հարցերի պատասխան։ Սա դռնփակ նիստում աշխատանքային կարգով իրականացված քննարկում էր», - ասաց նա։
Հարցին՝ իրավասու էին արդյոք իրեն խորհրդարան կանչելու և հարցադրումներ ներկայացնելու, նա պատասխանեց, որ իրավասության խնդիր չկա։
«Մենք ասում ենք, որ պետք է հաշվետվողականություն ունենանք։ Հիմա աշխատանքային կարգով մեր գործընկերները հրավիրել են, ես եկել եմ, քննարկել ենք։ Ընդդիմությունն էլ եթե հրավիրեր, ես կգայի», - հավաստիացրեց ՊԵԿ նախագահը։
Հաջորդ հարցին՝ կարողացա՞վ հիմնավորել պարգևավճարների մասին իր փաստարկները, Անանայանը պատասխանեց՝ նման խնդիր չկար։
«Կար պարզաբանումների խնդիր։ Ես չեմ ասելու՝ իրենք բավարարված են, թե չէ։ Ես հարցերին պատասխանել եմ, ինքս ինձնից բավարարված եմ։ Ամեն ինչ ճիշտ է կատարվել՝ օրենքի տառին համապատասխան։ 9 միլիոն պարգևատրում գոյություն չունի։ 8 միլիոն չկա, 7 միլիոն չկա, 6 միլիոն չկա։ Մեր իրավաբանների հետ աշխատում ենք, թե ինչպես անենք, որպեսզի հանրայնացնենք այն տեղեկատվությունը, որի իրավական հնարավորությունը չունենք։
Պատգամավորները ևս ասացին, որ առաջիկայում միգուցե պետք է օրենսդրություն փոխել, որ հանրություն-պետական ծառայող կապը շատ ավելի թափանցիկ լինի», - ասաց նա՝ հավելելով, որ պագևավճարներ տված բոլոր մարմինների ներկայացուցիչների հետ քննարկումներ են լինելու։
Ամբողջական հոդվածը կարող եք կարդալ այստեղ
