Armenpress.am-ը գրում է.
«Ֆեյսբուք» սոցիալական ցանցը մտադիր է իր մեսենջերի, «WhatsApp »-ի և «Ինստագրամ»-ի հաղորդագրությունների ծառայությունները միացնել միմյանց: «Արմենպրես»-ի փոխանցմամբ՝ այս մասին տեղեկացնում է BBC-ն:
Չնայած երեքն էլ կմնան որպես առանձին հավելվածներ, սակայն դրանք կապված կլինեն այնպես, որ հաղորդագրությունները կարող են փոխանցվել մեկը մյուսի միջև:
«Ֆեյսբուք»-ից BBC-ին տեղեկացրել են, որ դա երկար գործընթացի սկիզբն է: Այս միացումը նշանակում է, որ «Ֆեյսբուք»-ի օգտատերերը կարող են հաղորդակցվել անգամ այն անձի հետ, ով ունի միայն «WhatsApp »-հաշիվ:
Երեքի միավորման աշխատանքները արդեն մեկնարկել են, այս մասին հաղորդում է «The New York Times»-ը, և ակնկալվում է, որ կավարտվեն մինչ 2019-ի վերջ կամ մյուս տարվա սկզբին:
Նյութի աղբյուր՝ https://armenpress.am/arm/news/962098.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել