Yerevan.Today-ը գրում է.
Պարգևատրումների աղմկահարույց թեման նոր թափ է հավաքում։ Մեզ հասած տեղեկատվության համաձայն՝ Պետական եկամուտների կոմիտեում շարքային աշխատակիցների շրջանում լուրջ դժգոհությունների ալիք է բարձրացրել ՊԵԿ ղեկավարության դեկտեմբերին ստացած պարգևատրումները։
Ներկայացնում ենք դեկտեմբերին նրանց ստացած աշխատավարձային և պարգևատրումային ֆոնդը։
Եվ այսպես, ըստ նույն տեղեկությունների․
ՊԵԿ նախագահ Դավիթ Անանյան - 8 մլն 55 000 դրամ
ՊԵԿ նախագահի առաջին տեղակալ Ռաֆիկ Մաշադյան – 9 մլն. 60 000 դրամ
ՊԵԿ աշխատազմի ղեկավարի տեղակալ Էդգար Գևորգյան – 6 մլն. 456 000 դրամ
ՊԵԿ խոշոր հարկատուների վարչության պետ Արթուր Հարությունյան – 2 մլն. 930 000 դրամ
ՊԵԿ նախագահի տեղակալ Շուշանիկ Ներսիսյան - 6 մլն 6000 դրամ
ՊԵԿ նախագահի օգնական- Էլիզաբեթ Մամիկոնյան - 2 մլն 120 000 դրամ
ՊԵԿ նախագահի խորհրդական, ՀՀ ֆինանսների նախկին նախարար Վարդան Արամյանի գործավարուհի Սաթինե Գզողյան - 2 մլն. 763 000 դրամ
ՊԵԿ լրատվության պատասխանատու, խոսնակ Լուսինե Մկրտրյան- 2 մլն 30.000 դրամ
ՊԵԿ տեղեկատվական տեխնոլոգիաների վարչության պետի խորհրդական Սերգեյ Թաիրյան -1 մլն 574 000 դրամ։
Վերջինս Սաթինե Գզողյանի ամուսինն է։ Ի դեպ, ամուսինները նաև հարկային ծառայողներ չեն։
Եվ սա այն դեպքում, երբ ՊԵԿ շարքային հարկային տեսուչները, ծառայողները ստացել են 100- 200 000 դրամ։
Նման չափով խրախուսանք չի եղել ՊԵԿ որևէ նախագահի օրոք։
Ի դեպ, խոսակցություններ կան, որ ՊԵԿ-ն իրականում ղեկավարում է առաջին տեղակալ Ռաֆիկ Մաշադյանը, ով դեկտեմբերին ստացել է ամենաբարձր գումարը՝ աշխատավարձը և պարգևատրումը միասին 9 մլն. 60 000 դրամ։
Պարգևատրումների մասին տեղեկատվության պաշտոնական պատասխանի համար դիմում ենք ՊԵԿ-ին։
