137 կգ կշռող տղամարդն իր ամբողջ օրն անցկացնում է տեսախաղեր խաղալով ու ուտելով: Նրա սննդակարգը կազմված է ֆասթ ֆուդից: Նա հասկանում է, որ ճահճի մեջ է ընկել, սակայն ոչինչ անել չի կարող:
34-ամյա Քեյսի Քինգը պետք է նիհարի: Տղամարդը ոչ մի տեղ չի աշխատում, ապրում է հոր հետ և ամբողջ օրն անցկացնում է էկրանի առջև:
«Ուտելու եմ այնքան, մինչև մահանամ: Սովորաբար արթնանում եմ 12-ին ու արագ ինչ-որ բան եմ ուտում»:
Տղայի միակ հույսը նրա հայրն է։ Հենց նա է հոգ տանում տղայի մասին:
Քեյսին կյանքի խնդիրներից խուսափում է ու այդ ամենից թաքնվում է իր սենյակում: Խաղերը նրա կյանքի միակ իմաստն են:
Տղան խոստովանում է, որ նրա կյանքը չի դասավորվել այնպես, ինչպես ինքն էր ցանկանում:
«Երբեք չէի մտածի, որ 34 տարեկանում դեռ կապրեմ հորս հետ: Ես մտածում էի, որ կունենամ աշխատանք ու գումար»:
Քեյսին միշտ էլ մեծ չափսերի երեխա է եղել: Դպրոցի վերջին տարում նա արդեն 136 կգ էր կշռում:
Համալսարանը ավարտելուց հետո տղան սկսել է աշխատել ռեստորանում: Աշխատանքից հետո նա միշտ ուտելու էր գնում․ դա նրա ամենասիրելի զբաղմունքն էր:
«Արդեն 226 կգ էի, ստիպված էի թողնել աշխատանքս, քանի որ շատ դժվար էր ինձ համար: Մայրս տանից ինձ դուրս է արել: Նա ասում էր, որ ես պետք է աշխատեմ, եթե ցանկանում եմ նրա հետ ապրել: Ես էլ տեղափոխվեցի հորս տուն»:
Նրա քաշն օր-օրի ավելանում էր. տղայի հայրն ամեն օր նրա համար պիցցա, հավ և ճապոնական ուտելիք էր գնում: Նա ստանում էր այն ամենը, ինչ ցանկանում էր:
Քաշի պատճառով նա չի կարողանում լոգարանում տեղավորվել, այդ պատճառով նրա հայրն իր համար երկաթից մեծ լոգարան է գնել, որը տեղադրել են բակում:
