Քիմ Քարդաշյանը և նրա ամուսինը՝ ռեփեր Քանյե Ուեսթը, այցելել են Նյու Յորքի Բրոդվեյում անցկացվող The Cher Show-ն։
Նրանց բուռն քննադատության են ենթարկել պահվածքի և տեսքի համար։ Քանյեին քննադատել են, որ նա ողջ ընթացքում նստել է՝ հեռախոսի մեջ խորացած։ Դերասաններից մեկը՝ Ջարոդ Սպեկտորը, նույնիսկ նրան է դիմել Twitter-ով․ «Էյ, Քանյե Ուեսթ, ինչ լավ է, որ դուք այստեղ եք։ Եթե կտրվես քո հեռախոսից, կտեսնես, որ մենք այստեղ շոու ենք անում։ Այսօր պրեմիերա է, և մեզ համար դա, ինչպես ասեմ, կարևոր է։ Շատ շնորհակալ ենք»։
Daily Mail-ը գրում է, որ Ուեսթը ներողություն է խնդրել էթիկայի կանոնները խախտելու համար։
Ինչ վերաբերում է Քիմին, նա հագել էր Versace զգեստ՝ մեջքի վրա մեծ բացվածքով։ Առջևի հատվածում կտորը չէր բավականացնում կուրծքը ծածկելու համար։ Նա ստիպված էր մերթընդմերթ ներս խցկել դուրս եկող կուրծքը։
