Ավիաընկերության աշխատակցուհին պատմել է, թե ինքնաթիռ մտնելիս ուղևորների արտաքին տեսքի ինչ առանձնահատկությունների վրա են ուշադրություն դարձնում բորտուղեկցորդուհիները, գրում է Daily Express-ը:
Ջենիս Բրիջերի խոսքերով, որը 25 տարի բորտուղեկցորդուհի է աշխատել, անձնակազմի անդամները, առաջին հերթին, ուշադրություն են դարձնում այն բանին, թե հարբած չէ՞ արդյոք ուղևորը: «Ոչ սթափ վիճակում գտնվող ուղևորներին մենք խնդրում ենք ազատել տարածքը: Թռիչքի ընթացքում նրանց հետ կարող է խնդիրներ առաջանալ»,- պարզաբանել է Բրիջերը:
Բորտուղեկցորդուհու խոսքերով ցանկալի չէ նաև հիվանդ ուղևորների ներկայությունը ինքնաթիռի սրահում: «Ոչ ոքի հաճելի չէ շնչել նրա տարածած միկրոբները»,- բացատրել է նա:
Նա խոստովանել է, որ միշտ մտապահում է ուժեղ մկանուտ ուղևորներին: «Եթե ինչ որ մեկը ֆիզիկապես ուժեղ է թվում, ես միշտ մտապահում եմ նրա դեմքն ու տեղը, որպեսզի որևէ կոնֆլիկտի առաջացման դեպքում դիմեմ նրա օգնությանը»,- ասել է բորտուղեկցորդուհին:
