Ջազի հայկական ասոցիացիան և «Մեցցո Փրոդաքշընը» «Դվին» հյուրանոցի նորաբաց շքեղ սրահում երեկ ներկայացրին նոր ձևաչափի համերգ։ «Ararat Jazz Nigth»-ի շրջանակներում հանրահայտ Չայնա Մոսեսն ու Հայաստանի պետական ջազ նվագախումբը՝ Արմեն Հյուսնունցի դիրիժորությամբ, հիացրին ու զարմացրին մելոմաններին իրենց հոյակապ կատարումներով։
Նշենք, որ Չայնա Մոսեսն ականավոր ԴիԴի Բրիջուոթերի դուստրն է։ ԴիԴին 2 տարի առաջ էր Հայաստանում՝ որպես պատվավոր հյուր ջազ ֆեսթին մասնակցելու համար։ Մոսեսը երեկոյի ընթացքում կատարեց ինչպես ծանոթ կոմպոզիցիաներ, այնպես էլ նոր ստեղծագործություններ ու դրանք համեմեց իր կյանքի պատմություններով՝ սեր, հիասթափություն, վեճեր, ընկերություն... Դահլիճը բուռն էր արձագանքում բեմում տիրող տրամադրություններին, ձայնակցում երգչուհուն, պարում։
Երեկոն շարունակեց հայտնի բաս թավջութակահար Արտյոմ Մանուկյանը։ Նա վերջին տարիներին բնակվում ԱՄՆ-ում, սակայն պարբերաբար գալիս է հայրենիք՝ իր արվեստի երկրպագուներին անմոռանալի հիշողություններ պարգևելու համար։
BlogNews.am-ը ներկա է եղել համերգին։ Երեկոյի հայտնի հյուրերն ու մյուս մանրամասները՝ ֆոտոշարքով։