Daily Mail պարբերականն անդրադարձել է ամերիկյան Օսթին քաղաքում բնակվող ու վաղ հասակից ընկերություն անող երեք տղայի, որոնք որոշել են մտերիմ ընկերներից «ընկերուհիների» վերածվել:
Խոսքը 11-ամյա Լիլիի, 10-ամյա Ֆիանայի և 11-ամյա Զուրիի մասին է (նրանք այդպես են խնդրում իրենց անվանել), որոնց մոտ ախտորոշվել է գենդերային դիսֆորիա:
Տղաները դեռ վաղ հասակից ծնողներին ասել են, որ իրենք իրենց տղա չեն զգում ու ցանկանում են աղջիկ դառնալ, աղջկա կյանքով ապրել:
Հայտնի է, որ տղաները շուտով բժշկական միջամտության կենթարկվեն, որպեսզի կանխվեն արական սեռի ներկայացուցիչների սեռահասունացմանը բնորոշ գործընթացները:
Տղաների խոսքով՝ ընկերությունն իրենց օգնել է ընդունել իրական սեռն ու հասկանալ, որ իրենք հասարակությունում տարօրինակ չեն:
Նշվում է, որ Լիլին ծնողների թույլտվությամբ արդեն հորմոններ է խմում սեռահասունությունը կանխելու համար:
Երեխաների ծնողները պատմել են, որ շատ փոքր տարիքից են տղաների արտասովոր պահվածքը, զուտ աղջկական նախասիրությունները նկատել:
Հայտնի է, որ երեխաները մինչև 18 տարեկանը լրանալն իրավունք չունեն սեռափոխության վիրահատություն անելու: