2016թ․ Արիզոնայի համալսարանի աշխատակից, աստղաֆիզիկոս Լոուրենս Կրաուսը Ավստրալիայում համաժողովի ժամանակ անզգուշաբար կամ միտումնավոր բռնել է իր հետ լուսանկարվելու ցանկություն հայտնած կնոջ կուրծքը։
Կինը պրոֆեսորի այդ արարքը որակել է որպես անշնորհք վարքագիծ։ Համալսարանի ղեկավարությունը միջադեպի մասին տեղեկացել է իրավապաշտպան Մելանի Թոմփսոնից, որ ներկա է եղել միջադեպին։ Այնուհետև բացահայտվել են նաև պրոֆեսորի նմանօրինակ վարքագծի այլ դրվագներ, և համալսարանի ղեկավարությունը, ուսումնասիրելով դրանք, հաստատել է, որ պրոֆեսորը խախտել է ուսումնական հաստատության էթիկայի կանոնները, ինչի համար նա հեռացվել է գիտական հեղինակավոր Originas նախագծի ղեկավարի պաշտոնից։
Կրաուսն այժմ գտնվում է հարկադրական վճարովի արձակուրդում (նրա աշխատավարձը կազմում է տարեկան 265 հազար դոլար), որից հետո նա աշխատանքի այլևս չի վերադառնա։ Ինքը՝ Կրաուսը, ժխտում է իր դեմ հարուցված բոլոր մեղադրանքները և դրանք որակում որպես հերյուրանքներ։
