Ամստերդամի իշխանությունները, փորձի շրջանակում, բնակիչներին առաջարկում են 2 ամսով հրաժարվել ավտոմեքենաներից և հասարակական տրանսպորտից օգտվել։ Այս մասին ասվում է Amsterdam Smart City ինովացիոն հարթակում։

Հաղորդման համաձայն՝ քաղաքի իշխանությունները փորձ են իրականացնում, որը թույլ կտա փողոցներն ազատել բազմաթիվ ավտոմեքենաներից։ Նշվում է, որ լրացուցիչ ճանապարհների և ավտոկայանատեղիների կառուցումը արդեն բավական չեն Ամստերդամը բեռնաթափելու համար։

Փոխարենը քաղաքացիներին առաջարկում են անվճար օգտվել հասարակական տրանսպորտից։ Քաղաքի իշխանությունները նաև կփոխհատուցեն  քաղաքապետարանի ավտոտնակում վարձակալության արժեքը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել