Բրիտանուհի Քեյթ Հիթչենը ստիպված է եղել գնացքում կանգնած կերակրել երեխային, քանի որ անտարբեր ուղևորները նրան նստելու տեղ չեն զիջել: Նա երեխայի հետ սելֆի է տեղադրել Instagram-ում և գրել իր պատմությունը:
32-ամյա կնոջ խոսքով՝ ինքն ստիպված է եղել կես ժամ կանգնած կերակրել երեխային, և ոչ ոք նրան չի առաջարկել նստել: Բրիտանուհին գրում է, որ այդ իրավիճակում իրեն հիմար է զգացել:
Հիթչենը գրել է, որ մի կին, այնուամենայնիվ, առաջարկել է իր տեղը, բայց հենց նա կանգնել է, տեղն անմիջապես մեկ ուրիշ ուղևորուհի է զբաղեցրել:
Հատկանշական է, որ բրիտանուհին մայրությանը նվիրված բլոգ է վարում, որն ունի ավելի քան 12 հազար հետևորդ: Վերջիններիս իրենց աջակցությունն են հայտնել Քեյթին:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
