Բաղադրիչներ

  • ձմերուկի կեղև - 1 կգ
  • շաքարավազ - 1 կգ

Պատրաստման եղանակը

Ձմերուկը տաք ջրով լվանում ենք, պահում ենք հոսող ջրի տակ, ապա կտրատում ենք։
ձմերուկի մուրաբա
Կտրելիս բարակ շերտով թողնում ենք նաև կարմիր հատվածից․ այդպես մուրաբան շատ համեղ է ստացվում։
ձմերուկի մուրաբա
Պետք է ստացվի 1 կգ զանգված, որին ավելացնում ենք 1 կգ շաքարավազ։ Այն 4 ժամ պահում ենք զով տեղում, որպեսզի հյութը դուրս գա, և շաքարավազը լուծվի։
ձմերուկի-մուրաբա-5
Հյութը դուրս գալուց հետո լավ խառնում ու դնում ենք թույլ կրակի վրա, որպեսզի շաքարավազն աստիճանաբար լուծվի։
Երբ օշարակը սկսում է եռալ, կրակը մի փոքր ուժեղացնում ենք, իսկ ընթացքում առաջացած փրփուրը՝ հեռացնում։
ձմերուկի-մուրաբա
Օշարակը եփում ենք մոտ 5 րոպե, ապա հանում ենք կրակի վրայից, ծածկում ենք սրբիչով ու պահում ենք սենյակային պայմաններում։
24 ժամ անց գործողությունը կրկնում ենք, այսինքն՝ կրկին հասցնում ենք եռման աստիճանի, հեռացնում ենք փրփուրն, 5 րոպե եփում ու 24 ժամ թողնում ենք, որ հանգստանա։
Երրորդ օրը նորից 5 րոպե եփում ենք։ Արդյունքում ստացվում է պինդ զանգված։ Մուրաբան տաք վիճակում լցնում ենք ստերիլիզացված բանկաների մեջ, կափարիչով փակում ու պահում ենք զով տեղում։
ձմերուկի-մուրաբա-7

Մուրաբային յուրահատուկ համ հաղորդելու համար ավելացնում ենք 4-5 հատ մեխակ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել