Բրազիլիայում անօդաչու սարքը պատահաբար Ամազոնիայի ջունգլիներում կորած նախնադարյան ցեղ է հայտնաբերել։ Նկարահանումը կատարվել է հնդկացիների ազգային հիմնադրամի գիտարշավի ժամանակ, Ամազոնիայի անձրևոտ անտառների հարավ–արևմուտքում։
Դրոնը նկարել է արահետը, որտեղ տեղաբնակները բույսեր են աճեցնում։ Նրանցից մեկի ձեռքում երևում են նետն ու աղեղը։ Գիտնականները նաև լուսանկարել են աբորիգենների ավանդական խրճիթները, նրանց կացիններն ու գերանից մակույկները:
Ամազոնիայի ջունգլիներում ավելի քան հարյուր ցեղեր են ապրում, որոնք կապ չունեն քաղաքակրթության հետ։ Հետազոտողների խոսքերով՝ նրանք տեղյակ են մոտակայքում գտնվող քաղաքների և ֆերմաների մասին, սակայն մարդկանց հետ շփման ցավոտ փորձի պատճառով նախընտրում են մեկուսացված ապրել։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
