«Թավշյա հեղափոխությունից ոգևորված՝ կրթության և գիտության նախարար Արայիկ Հարությունյանը մի քանի անգամ տարբեր առիթներով նաև ոչ պաշտոնական շրջանակներում հայտարարել է, որ Հայաստանի բոլոր բուհերի ռեկտորները պետք է փոխվեն, քանի որ նրանք ռեժիմի սպասարկուներն են եղել:
Ի դեպ, «Ժողովուրդ» օրաթերթին հայտնի դարձավ, որ նա այս շաբաթ օրը հանդիպելու է պետական բուհերի ռեկտորների հետ: Ըստ մեզ հասած լուրերի՝ շաբաթ օրը նա փորձելու է նաև բարձրացնել ռեկտորների փոփոխության հարցը:
Ավելին՝ ըստ որոշ տեղեկությունների՝ ինքը ներկայիս պետական բուհերի ռեկտորներին փոխարինող թեկնածուներ ունի, հիմնականում երիտասարդներ: Սակայն նախարարի մամուլի խոսնակ Լուսինե Մարգարյանը ի պատասխան հայտարարեց, որ այդ տեղեկությունները սուտ են ու կեղծիք»,-գրում է թերթը:
Նյութն ամբողջությամբ կարդացեք թերթի այսօրվա համարում:
